Oga coachi for de Naija Supersand Eagus, Audu Adamu don take Lobi Stars sabee strika, Musa Najare replace Ikechukwu Ibenegbu for dis year Copa Lagos.
Ibenegbu wey pipu dey call am 'mosquito' no wan show for dis year Copa Lagos sake of say hin senior broda go do wedding de weekend wey dem go play de competition.
De coachi for de Naija team, Audu Adamu kon yarn we for supersport.com say Najare na hin be de beta replacement for mosquito wey no wan fly dis month for Lagos.
“Yes o Baba, I don take Najare replace mosquito, but I still dey wait for my oga at de top dem for NFF make dem approve de list wey I carry give dem.
“Najare na beta playa becos no be today de guy don dey tap ball for us for Beach level, and I know say hin go helep us dis year,” naso de coachi yarn.
Na Naija win dis Copa Lagos for de fess, second and third time wey dem don do am bifor, and dem go jam Ghana, Senegal and Ivory Coast for dis month katakata.
Na December 12 na hin dem go take start de competition, and na 3 days na hin dem go take play am.
No comments:
Post a Comment
drop your comment about your football hero, their fashion style, like who dresses most, who drink most ,who hang out most like going to club , who plays with woman most and so on