Xabi Alonso wey be Bayern Munich midfieder don yarn pipu say plenty struggle wey Manchester City bin do for de Champions League don prove say clubs no fit buy success for de competitions wey dey shele for Europe.
Upon plenty money wey City don use for de new players dem buy over de pass six years as Emirati owner Sheikh Mansour kon helep dem yanfu yanfu for money, with all de money wey dem put inside dem still knock dem out and komot City for de Champions league for de group stage two times for de lass three seasons.
plenty kasala go shele for dia side if dem no kuma beat Bayern today (Tuesday) for Etihad Stadium and if other Group E game between CSKA Moscow and Roma no end for draw, Bayern don already kwalify for de lass 16.
Na Alonso wey lead Liverpool team as dem jolly dia Champions League win for 2005 and wen dey ask am weda money helep City for de struggle, hin answear be "Football no mathematics wey one formular, wia you fit buy success".
" Becos say na so e bee, na surprises dey shele for football, but you muss do things properly, if you do am so, you go make am.
"Dat year with Liverpool be big surprise, ogbonge miracle, we don yarn about am plenty times. Wey jolly am, e dey different from wetin dey shele for City now".
Anyway, Alonso wey don be 33-year-old today (Tuesday) bilif say European success no go show Pellegrini team 'back hand' for long time.
"E dey hard to yarn from outside, but expect say City go break record for Europe any season", naso de Spain international yarn during one pre-game press conference for one Manchester hotel.
"For now dey never achieve am, but I gada confido say big year for City in Europe no dey far sam sam, becos season by seson dem dey try to improve.
"E dey like serious project wey hard competition with ogbonge top clubs go shele for Europe, na hin go give dem goals.
"Na true say e no easy for dia eyes, e fit change for de 90 minites today Tuesday, we go do our work, but I get good paddies for City, so I dey wish dem best of luck".
No comments:
Post a Comment
drop your comment about your football hero, their fashion style, like who dresses most, who drink most ,who hang out most like going to club , who plays with woman most and so on