Portugal oga Cristiano Ronaldo score hin numba 71 gol for Champions League to be one gol for Lionel Messi bak as hin helep Real Madrid beat Switzerland team FC Basel 1-0 on Wednesday for dia Group B Champions League match.
Ronaldo score as Karim Benzema find space free am to come make am equal Raul Champions League gols wey hin don score.
Wit dis win, Real don put leg for ground kolet numba one for de group be dat wit 15 points, wey dem get from dia numba 15 strait win for all kompitishun wey dem play, even as e be say Basle sef worri dem for de secon haf no be small.
Even as e be say dem lose dis match, Basle, wey get six points from five matches so fit still kwalify for de las sixteen if dem fit get draw for Liverpool hous for Anfield for dia las match for de Group.
Na all de result from Wednesday matches be dis:
Atletico Madrid 4 Olympiakos 0
Malmo FF 0 Juventus 2
Arsenal 2 Borussia Dortmund 0
Anderlecht 2 Galatasaray 0
PFC Ludogorets Razgrad 2 Liverpool 2
Basel 0 Real Madrid 1
Zenit St.. Petersburg 1 Benfica 0
Bayer Leverkusen 0 Monaco 1
No comments:
Post a Comment
drop your comment about your football hero, their fashion style, like who dresses most, who drink most ,who hang out most like going to club , who plays with woman most and so on