Live Tori: NPFL Matchday

Oga coachi for Kano Pillars wey hin name be Okey Emordi even don yarn we for supersport.com say hin boys go hama Enyimba for Aba. “Even though we don win de League, dat one no kon mean say make we kon allow Enyimba do us any how, haba we no go gree. “My boys don promise me say dem go win dis match for Aba, and unna go see say we go am,” naso Oga Emordi yarn. Belle still dey pain Enyimba coachi, Kadiri Ikhana sake of say de Aba club no go fit win de Naija League dis season.

“We for get de chance to win de League if to say we bilala Dolphins for our lass match, but wetin man go do...na de FA cup na hin dem my mind now becos na muss make we carry am,” na im Ikhana yarn us for supersport.com

Meanwilly, Aba don full boku as Kano Pillars fans don enta as dem wan watch how dia boys go take carry de Naija League trophy today.

Some clubs like Nembe City and Crown FC don alreadi relegate bifor dem go even play dia lass game today for de Naija League.

Nasarawa United still dey find continental ticket, and na dia final match today against Warri Wolves na hin dem go take sabee dia level.